Stend atýdan Úndistannyń Niý-Deli qalasynda ótip jatqan álem kýbogi kezeńinde qazaqstandyqtar taǵy eki júlde jeńip aldy. Bul joly komanda músheleri «Trap» jattyǵýynan úzdik úshtikke endi, dep habarlaidy Olympic.kz.
Áielder arasyndaǵy komandalyq synda Mariia Dmitrienko, Sársenkúl Rysbekova jáne Aijan Dosmaǵambetova úshtigi kúmis júldeger atandy. Olar finalda Úndistan komandasyna ese jiberdi.
Erler arasyndaǵy komandalyq básekede Viktor Hasianov, Andrei Mogilevskii jáne Maksim Kolomoets qola júldege qol jetkizdi. Olar úshinshi oryn úshin talasta Katar quramasynan basym túsken.
Altyn medaldi Úndistan, kúmisti Slovakiia komandasy enshiledi.
Aita ketelik, buǵan deiin stend atýdan Qazaqstan komandasy «Skeet» jattyǵýynan tórt medal jeńip alǵan bolatyn.
