ستەند اتۋدان ٷندٸستاننىڭ نيۋ-دەلي قالاسىندا ٶتٸپ جاتقان ەلەم كۋبوگٸ كەزەڭٸندە قازاقستاندىقتار تاعى ەكٸ جٷلدە جەڭٸپ الدى. بۇل جولى كوماندا مٷشەلەرٸ «Trap» جاتتىعۋىنان ٷزدٸك ٷشتٸككە ەندٸ, دەپ حابارلايدى Olympic.kz.
ەيەلدەر اراسىنداعى كوماندالىق سىندا مارييا دميتريەنكو, سەرسەنكٷل رىسبەكوۆا جەنە ايجان دوسماعامبەتوۆا ٷشتٸگٸ كٷمٸس جٷلدەگەر اتاندى. ولار فينالدا ٷندٸستان كومانداسىنا ەسە جٸبەردٸ.
ەرلەر اراسىنداعى كوماندالىق بەسەكەدە ۆيكتور حاسيانوۆ, اندرەي موگيلەۆسكيي جەنە ماكسيم كولوموەتس قولا جٷلدەگە قول جەتكٸزدٸ. ولار ٷشٸنشٸ ورىن ٷشٸن تالاستا كاتار قۇراماسىنان باسىم تٷسكەن.
التىن مەدالدٸ ٷندٸستان, كٷمٸستٸ سلوۆاكييا كومانداسى ەنشٸلەدٸ.
ايتا كەتەلٸك, بۇعان دەيٸن ستەند اتۋدان قازاقستان كومانداسى «Skeet» جاتتىعۋىنان تٶرت مەدال جەڭٸپ العان بولاتىن.
