Stambýlda sársenbi kúni qiraǵan segiz qabatty úi astynan 16 jastaǵy bala qutqaryldy, ol 45 saǵat boiy úiindi astynda jatqan, dep habarlady RIA Novosti Túrkiianyń IIM basshysyna silteme jasap.
Budan buryn 18 saǵat úiindi astynda jatqan bes jasar qyz qutqarylǵan edi.
"Úi qiraǵannan keiin 45 saǵattan soń qutqarýshylar úiindi astynan 16 jastaǵy jasóspirimdi alyp shyqty", - dep málimet berdi ministr. Balanyń jaǵdaiy týraly eshteńe aitylǵan joq.
Stambýl qalasynyń ákimshiligi habarlaǵandai, Qartal aýdanynda ǵimarattyń qulaýynan kem degende 12 adam qaza taýyp, 13 adam jaraqat alǵan. Qutqarýshylar úiindi astyn áli tekserip jatyr. Úidiń qiraýyna ústinen taǵy úsh qabattyń zańsyz salynýy sebep bolǵan bolýy múmkin.
