Reseilikterdiń 70 paiyzy Stalinniń tarihtaǵy róline oń baǵa beredi. "Levada-tsentr" ortalyǵy júrgizgen saýalnamaǵa sáikes, jaýap bergen azamattardyń teń jartysyna jýyǵy Stalin repressiiasyn aqtaýǵa daiyn, dep jazady Azattyq.
2019 jyly naýryzda ortalyq júrgizgen saýalnamaǵa qatysqan árbir ekinshi adam (51 paiyz) Stalinge súisinetinin ne qurmetpen qaraitynyn aitqan. "Atyn estigende titirkenemin", "qorqamyn" ne "jierkenemin" dep Stalinge negativti qaraityndar sany úsh ese az - 14 paiyz.
Saýalnamaǵa qatysqandardyń 19 paiyzy Stalinniń Resei tarihyndaǵy róline teris baǵa bergen.
Stalin men onyń tarihtaǵy róline oń baǵa beretinder arasynda Resei kommýnistik partiiasyn jaqtaityndar ǵana emes, prezident sailaýynda Vladimir Pýtin men Vladimir Jirinovskiige daýys bergender de bar. Áleýmettanýshylar sózinshe, barlyq jas sanaty boiynsha Stalinge oń baǵa beretinder basym túsken.
