Shyǵys Qazaqstan oblysynda «Qarasora – 2026» jedel-profilaktikalyq is-sharasy barysynda qarasorany zańsyz ósirý jáne saqtaý faktisi anyqtaldy, dep habarlaidy ult.kz.
Polisia.kz málimetinshe, Glýbokoe aýdanynyń 48 jastaǵy turǵyny ustaldy. Onyń úii men sharýashylyq qurylystaryn tintý kezinde keptirilgen ósimdik bólikteri, ósimdik tektes zattar jáne 40 túp qarasora tabyldy.
Budan bólek, úi mańyndaǵy aýmaqtan taǵy 156 túp qarasora anyqtalǵan. Saraptama tárkilengen zattardyń esirtki ekenin rastady. Jalpy salmaǵy – 34,9 keli.
Kúdikti ýaqytsha ustaý izoliatoryna qamaldy. Qylmystyq is qozǵalyp, tergeý amaldary júrgizilip jatyr.
