Shyǵys Qazaqstan oblysynyń Glýbokoe aýdanyndaǵy Ývarovo aýylynda bolǵan órt saldarynan egde jastaǵy erli-zaiypty qaza tapty, dep habarlaidy ult.kz.
Oblystyq tótenshe jaǵdailar departamenti málimetinshe, oqiǵa jeke turǵyn úide bolǵan. Órt sóndirýshiler jetkenge deiin 1948 jyly týǵan úi iesi baspanadan óz kúshimen shyǵyp úlgergenimen, tútinge qatty ýlanyp qalǵan.
Tótenshe jaǵdai ornyna kelgen Apattar meditsinasy ortalyǵynyń mamandary er adamdy aman alyp qalýǵa tyrysqanymen, barlyq reanimatsiialyq shara nátije bermegen.
Órtti sóndirý barysynda qutqarýshylar úi ishinen 1953 jyly týǵan áieldiń máiitin tapty.
Órt shamamen 80 sharshy metr aýmaqty sharpyǵan. Qazir tilsiz jaýdyń shyǵý sebepteri anyqtalyp jatyr.
Áleýmettik jelilerde taraǵan aqparatqa sáikes, qaza bolǵan qariialar ata-anasynan aiyrylǵan 19 jáne 17 jastaǵy eki nemeresin tárbielep kelgen. Órt bolǵan sátte qyzdar úide bolmaǵan.
