شىعىس قازاقستان وبلىسىنىڭ گلۋبوكوە اۋدانىنداعى ۋۆاروۆو اۋىلىندا بولعان ٶرت سالدارىنان ەگدە جاستاعى ەرلٸ-زايىپتى قازا تاپتى, دەپ حابارلايدى ult.kz.
وبلىستىق تٶتەنشە جاعدايلار دەپارتامەنتٸ مەلٸمەتٸنشە, وقيعا جەكە تۇرعىن ٷيدە بولعان. ٶرت سٶندٸرۋشٸلەر جەتكەنگە دەيٸن 1948 جىلى تۋعان ٷي يەسٸ باسپانادان ٶز كٷشٸمەن شىعىپ ٷلگەرگەنٸمەن, تٷتٸنگە قاتتى ۋلانىپ قالعان.
تٶتەنشە جاعداي ورنىنا كەلگەن اپاتتار مەديتسيناسى ورتالىعىنىڭ ماماندارى ەر ادامدى امان الىپ قالۋعا تىرىسقانىمەن, بارلىق رەانيماتسييالىق شارا نەتيجە بەرمەگەن.
ٶرتتٸ سٶندٸرۋ بارىسىندا قۇتقارۋشىلار ٷي ٸشٸنەن 1953 جىلى تۋعان ەيەلدٸڭ مەيٸتٸن تاپتى.
ٶرت شامامەن 80 شارشى مەتر اۋماقتى شارپىعان. قازٸر تٸلسٸز جاۋدىڭ شىعۋ سەبەپتەرٸ انىقتالىپ جاتىر.
ەلەۋمەتتٸك جەلٸلەردە تاراعان اقپاراتقا سەيكەس, قازا بولعان قارييالار اتا-اناسىنان ايىرىلعان 19 جەنە 17 جاستاعى ەكٸ نەمەرەسٸن تەربيەلەپ كەلگەن. ٶرت بولعان سەتتە قىزدار ٷيدە بولماعان.
