Soltústik Qazaqstan oblysynyń Mamliýt aýdanyndaǵy Dýbrovnoe aýylynda ornalasqan elevatorda aýyr jazataiym oqiǵa boldy. Kúndelikti qyzmet barysynda 43 jastaǵy jumysshy aýyr jaraqat alyp, oǵan kómektesýge umtylǵan áriptesi de mehanizmge túsip qalǵan, dep habarlaidy ult.kz.
Oqiǵa saldarynan eki jumysshy da aýyr jaraqat aldy. Qazir olar aýdandyq aýrýhanada jatyr. Jaǵdailary turaqty aýyr dep baǵalanyp otyr.
1983 jyly týǵan jumysshynyń sol aiaǵynyń jilinshik súiekteriniń ekeýi ashyq synyp, oń aiaǵynyń kishi jilinshik súiegi de ashyq synǵan. Oǵan ota jasaldy.
Al 41 jastaǵy áriptesiniń jaraqaty budan da aýyr. Onyń bilegindegi eki súiek úgitilip ketken. Dárigerler oń qolyn ampýtatsiialaýǵa májbúr bolǵan.
Oqiǵaǵa bailanysty politsiia sotqa deiingi tergeý júrgizip jatyr. Quqyq qorǵaý organdary jumys ornynda qandai jaǵdailar bolǵanyn jáne qaýipsizdik talaptarynyń saqtalǵan-saqtalmaǵanyn anyqtaýy tiis.
