Óskemende Wildberries marketpleisi arqyly aryqtaýǵa arnalǵan tabletkalar men BBQ-lar degen jeleýmen kúshti áser etetin zattardy zańsyz satý faktisi boiynsha qylmystyq is tergelip jatyr. Sonymen qatar Zaisan aýdanynda esirtki zattary bar retseptilik preparattardy zańsyz satý faktisi anyqtalǵan, dep habarlaidy ult.kz nofake.kz portalyna silteme jasap.
Shyǵys Qazaqstan oblysynyń prokýratýrasy málimetinshe, Óskemende marketpleis arqyly aryqtaýǵa arnalǵan tabletkalar retinde kúshti áser etetin zattardy satý deregi boiynsha tergeý júrgizilýde.
«Óskemen qalasynda „Wildberries“ marketpleisi arqyly aryqtaýǵa arnalǵan tabletkalar (BAD-tar) degen atpen kúshti áser etetin zattardy zańsyz satý faktisi boiynsha is tergelip jatyr», – dep habarlady vedomstvo.
Bul óńirde anyqtalǵan jalǵyz jaǵdai emes. Prokýratýranyń málimetinshe, Zaisan aýdanynda meditsinalyq uiym qyzmetkerleri patsientterge quramynda esirtki zattary bar retseptilik preparattardy zańsyz satqan.
Jalpy, 2025-2026 jyldary oblysta prekýrsorlardyń zańsyz ainalymyna qatysty úsh qylmystyq is qozǵalyp, 21 ákimshilik hattama toltyrylǵan.
Salynǵan aiyppuldardyń jalpy somasy 4 mln teńgeden asqan.
