Soltústik Qazaqstan oblysynda 13 jastaǵy qyz túni boiy zorlyq kórdi degen aqparat tarady, dep habarlaidy ult.kz.
Halyqstan Telegram arnasynyń málimetinshe, oqiǵa Soltústik Qazaqstan oblysynyń Aiyrtaý aýdanynda bolǵan bolýy múmkin.
Jariialanǵan aqparatta 1 shilde kúni keshki ýaqytta 13 jastaǵy qyz dúkennen shyqqan sátte kórshi aýyldyń turǵyny mototsiklmen kelip, serýendeýge shaqyrǵany aitylady. Qyz keliskennen keiin, aýyl turǵyndarynyń sózinshe, ol túni boiy úiine oralmaǵan.
Sondai-aq jergilikti turǵyndardyń aitýynsha, qyzdy túni boiy izdep, kelesi kúni tańerteń eldi mekennen tys jerden tapqan. Al kúdikti shamamen 40 jastaǵy er adam ekeni aitylýda.
Bul aqparatqa qatysty ázirge quqyq qorǵaý organdary resmi túsinikteme bergen joq.
