"Spýtnik V" vaktsinasyn saldyrǵannan keiin koronavirýsqa qarsy immýnitet eki jyl saqtalady. Bul týraly densaýlyq saqtaý vitse-ministri – bas memlekettik sanitar dáriger Erlan Qiiasov málimdedi, dep habarlaidy "Ult aqparat".
1 aqpanda qazaqstandyqtarǵa koronavirýsqa qarsy reseilik "Spýtnik V" vaktsinasy egile bastady.
"Kúni keshe ǵana álemdegi jetekshi meditsinalyq jýrnaldardyń biri Lancet «Spýtnik V» vaktsinasynyń SARS-CoV-2 koronavirýsty juqtyrýǵa qarsy tiimdiligi 91,6 paiyzdy quraityndyǵyn jariialady. Buǵan qosa, «Spýtnik V» vaktsinasynan keiin immýnitettiń keminde 2 jyl saqtalatyndyǵy dáleldengen. Sonymen qatar vaktsina koronavirýstyń «britandyq» jáne «ońtústikafrikalyq» syndy jańa shtammdaryna qarsy tiimdi ekendigi de mańyzdy. Munan bólek, vaktsinany ázirleýshiler «Spýtnik V» vaktsinasy COVID-19-dyń orta jáne aýyr ótýinen de qorǵaityndyǵyn atap ótedi", - dedi Qiiasov onlain brifingte.
Ol vaktsinalaý kezeń-kezeńmen júrgiziletinin atap ótti.
Eń aldymen, meditsina qyzmetkerleri, keiin pedagogter, kúsh qurylymdarynyń qyzmetkerleri egiledi.
