QR Ádilet ministriligi karantin kezinde kóshege sportpen shuǵyldanýǵa shyǵatyndarǵa qatysty túsinik berdi, dep habarlaidy "Ult aqparat".
«Osy turǵyda densaýlyq saqtaý mamandarynyń pikirine súienemiz. Mamandardyń paiymynsha, (infektsiia qaýpi kezinde) sportpen shuǵyldanatyn adamǵa da, sondai-aq onyń janyndaǵy adamdarǵa da joǵary qater týyndaidy. Sondyqtan sportpen ainalysýdy kóshege shyǵý úshin negiz retinde sanamaý sheshimi qabyldandy. Ǵimarattyń ishinde sportpen shuǵyldaný úshin túrli ádister bar. Osy oraida bul tásilderdi ýaqytsha paidalanyp, engizilgen shekteýlerge túsinikpen qaraǵan jón bolar», - dedi Ádilet ministri Marat Beketaev Habar 24 telearnasynda ótken onlain brifingte.
Ádilet ministrligi ókilderiniń sózine qaraǵanda, azyq-túlikti úidiń janyndaǵy dúkenderden alýǵa keńes berilgen.
«Eger de qajettilik bolsa, azyq-túlik bazaryna barýǵa bolady. Alaida saqtyq sharalaryn ustaný kerek, iaǵni arnaiy maska men qolǵap bolýy qajet», - dep atalyp ótti brifingte.
Budan buryn habarlanǵandai, QR Ádilet ministri Marat Beketaev kúsheitilgen karantin rejimindegi jańa mindetterge qatysty pikir bildirdi.
