Sport jáne dene shynyqtyrý isteri komiteti tóraǵasynyń orynbasarlary ustaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov aitty, dep habarlaidy "Ult aqparat".
«Shyǵys Qazaqstan oblystyq sybailas jemqorlyqqa qarsy qyzmeti sotqa deiingi tergeý barysynda asa iri kólemde biýdjet qarajatyn jymqyrý faktileri boiynsha QR Qylmystyq-protsessýaldyq is júrgizý kodeksiniń 128-babyna sáikes, Qazaqstan Respýblikasy Mádeniet jáne sport ministrliginiń Sport jáne dene shynyqtyrý komiteti tóraǵasynyń burynǵy jáne qazirgi orynbasarlaryn ustap, Óskemen qalasyndaǵy ýaqytsha ustaý izoliatoryna qamady», - dedi ol agenttik alańynda ótken onlain brifing barysynda.
Onyń atap ótýinshe, ustalǵandardyń bireýine qatysty sot 2 ai merzimge «qamaýǵa alý» túrindegi bultartpaý sharasyn sanktsiialady.
«Olar Ridder qalasyndaǵy «Respýblikalyq mamandandyrylǵan olimpiadalyq rezervtik mektep-internaty» RMM-niń 300 orynǵa arnalaǵan oqý korpýsy» qurylys nysanyn salý kezinde is júzinde oryndalmaǵan jumys úshin merdigerdiń shotyna 380,8 mln teńge somasynda biýdjet qarajatyn aýdarý arqyly jymqyrdy degen kúdikke ilindi», - dedi Daniiar Biǵaidarov.
Qazirgi ýaqytta atalǵan faktiler boiynsha sotqa deiingi tergeý júrgizilýde, tergeý múddeleri úshin basqa aqparat jariia etilmeidi. Kúdiktilerge qatysty túpkilikti sheshimdi olardyń kinásiniń dárejesin anyqtai otyryp, sot sheshedi.
