23 qarashaǵa josparlanǵan Starlink ǵalamdyq internet jelisi spýtnikteriniń jańa partiiasyn ushyrý keiinge shegerildi, dep habarlaidy "Ult aqparat".
Bul týraly Kanaveral múiisinen jasalǵan tikelei efir kezinde belgili boldy.
Space X kompaniiasy áleýmettik jelilerdegi habarlamasynda jaǵdaidy bylai túsindirdi:
«Biz Starlink missiiasyn búgin iske qospaýdy uiǵardyq. Zymyran men júktemede aqaý joq, tek qosymsha ýaqytty komandalar derekterdi taldaýdy aiaqtaýǵa paidalanady. Qazir aýa raiynyń qalpyna kelýin eskere otyryp, ol 23 qarasha saǵat 21:34-te ushyrylady».
Bul Nur-Sultan ýaqytymen 24 qarasha kúngi 08:34-ke tuspa-tus keledi. SpaceX arnasynda ushyrylymdy tikelei efirde kórsetý áli de josparda bar.
Starlink – SpaceX kompaniiasy internet senimsiz, qymbat nemese múldem joq jerlerde joǵary jyldamdyqty qamtamasyz etetin ǵalamdyq spýtniktik júie.
Jobany ázirleý 2015 jyly bastaldy. 2017 jyly SpaceX 2020 jyldardyń ortasyna qarai Jer orbitasyna shamamen 12000 spýtnikti ushyrýǵa arnalǵan normativtik qujattardy usyndy.
SpaceX 2020 jyly AQSh-tyń soltústiginde jáne Kanadada, al 2021 jylǵa qarai búkil álemde kommertsiialyq Internetke qol jetkizýdi josparlap otyr.
Jobany iske asyrý úshin investitsiianyń jalpy somasy $10 mlrd-qa baǵalanady.
SpaceX sondai-aq osy júieni paidalanatyn spýtnikterdi zertteý jáne ǵylymi maqsattar úshin satýdy josparlap otyr.
