2022 jylǵy 1 sáýirde S&P halyqaralyq reiting agenttigi Qazaqstan Respýblikasynyń egemen kredit reitinginiń "turaqty" boljamdy "BBB-" deńgeiin rastady, - dep habarlaidy "Ult aqparat" Ulttyq bankke silteme jasap.
"Boljamnyń saqtalýy Kaspi qubyr konsortsiýmy (KQK) qýattarynyń qysqa merzimge tómendeýine negizdeledi. Agenttiktiń boljamynsha Qazaqstannyń ornyqty fiskaldyq pozitsiiasy men aýqymdy syrtqy rezervteri aldaǵy eki jylda Reseidegi ekonomikalyq quldyraýdyń saldaryn birshama beitaraptandyrady", - delingen habarlamada.
Qazaqstannyń jalpy munai eksportynyń 70 paiyzǵa jýyǵyn Eýropaǵa tasymaldaityn KQK qubyrynyń tieý terminalynyń aýa raiynyń qolaisyz jaǵdaiyna bailanysty zaqymdanýy eldiń ekonomikalyq belsendiligi men makroekonomikalyq kórsetkishterine qysqa merzimge ǵana keri áserin tigizýi múmkin. Úkimet terminal jumysyn jedel qalpyna keltirýdi josparlap otyr, bul qazirgi ekonomikalyq jaǵdaiǵa oń áser etedi.
"Sondai-aq, sarapshylar Qazaqstannyń syrtqy aktivteri qazirgi ýaqytta aitarlyqtai jetkilikti ekenin, al jalpy syrtqy qarjylandyrýǵa degen muqtajdyǵy salystyrmaly túrde tómen ekenin atap ótti. Bul rette S&P valiýta naryǵyndaǵy turaqsyzdyqty basý úshin rezervterdi qoldaný saldarynan rezervtr kólemi tómendeidi dep kútedi. Degenmen, agenttik munai men altynnyń joǵary baǵasy, sondai-aq syrtqy rezervterdiń jetkilikti deńgeii Qazaqstanǵa yqtimal shoktardy tabysty eńserýge múmkindik beredi dep sanaidy", - delingen UB habarlamasynda.
