2022 جىلعى 1 سەۋٸردە S&P حالىقارالىق رەيتينگ اگەنتتٸگٸ قازاقستان رەسپۋبليكاسىنىڭ ەگەمەن كرەديت رەيتينگٸنٸڭ "تۇراقتى" بولجامدى "BBB-" دەڭگەيٸن راستادى, - دەپ حابارلايدى "ۇلت اقپارات" ۇلتتىق بانككە سٸلتەمە جاساپ.
"بولجامنىڭ ساقتالۋى كاسپي قۇبىر كونسورتسيۋمى (كقك) قۋاتتارىنىڭ قىسقا مەرزٸمگە تٶمەندەۋٸنە نەگٸزدەلەدٸ. اگەنتتٸكتٸڭ بولجامىنشا قازاقستاننىڭ ورنىقتى فيسكالدىق پوزيتسيياسى مەن اۋقىمدى سىرتقى رەزەرۆتەرٸ الداعى ەكٸ جىلدا رەسەيدەگٸ ەكونوميكالىق قۇلدىراۋدىڭ سالدارىن بٸرشاما بەيتاراپتاندىرادى", - دەلٸنگەن حابارلامادا.
قازاقستاننىڭ جالپى مۇناي ەكسپورتىنىڭ 70 پايىزعا جۋىعىن ەۋروپاعا تاسىمالدايتىن كقك قۇبىرىنىڭ تيەۋ تەرمينالىنىڭ اۋا رايىنىڭ قولايسىز جاعدايىنا بايلانىستى زاقىمدانۋى ەلدٸڭ ەكونوميكالىق بەلسەندٸلٸگٸ مەن ماكروەكونوميكالىق كٶرسەتكٸشتەرٸنە قىسقا مەرزٸمگە عانا كەرٸ ەسەرٸن تيگٸزۋٸ مٷمكٸن. ٷكٸمەت تەرمينال جۇمىسىن جەدەل قالپىنا كەلتٸرۋدٸ جوسپارلاپ وتىر, بۇل قازٸرگٸ ەكونوميكالىق جاعدايعا وڭ ەسەر ەتەدٸ.
"سونداي-اق, ساراپشىلار قازاقستاننىڭ سىرتقى اكتيۆتەرٸ قازٸرگٸ ۋاقىتتا ايتارلىقتاي جەتكٸلٸكتٸ ەكەنٸن, ال جالپى سىرتقى قارجىلاندىرۋعا دەگەن مۇقتاجدىعى سالىستىرمالى تٷردە تٶمەن ەكەنٸن اتاپ ٶتتٸ. بۇل رەتتە S&P ۆاليۋتا نارىعىنداعى تۇراقسىزدىقتى باسۋ ٷشٸن رەزەرۆتەردٸ قولدانۋ سالدارىنان رەزەرۆتر كٶلەمٸ تٶمەندەيدٸ دەپ كٷتەدٸ. دەگەنمەن, اگەنتتٸك مۇناي مەن التىننىڭ جوعارى باعاسى, سونداي-اق سىرتقى رەزەرۆتەردٸڭ جەتكٸلٸكتٸ دەڭگەيٸ قازاقستانعا ىقتيمال شوكتاردى تابىستى ەڭسەرۋگە مٷمكٸندٸك بەرەدٸ دەپ سانايدى", - دەلٸنگەن ۇب حابارلاماسىندا.
