29 maýsymda S&P Global Ratings halyqaralyq reiting agenttigi Kaspi Bank AQ reitingteri boiynsha boljamdy "Pozitiv" deńgeiine deiin kóterdi, dep habarlaidy Tengrinews.kz agenttigi.
S&P Global birneshe mańyzdy faktordy atap ótti:
- Ótken jyly Kaspi-diń basqa qazaqstandyq jáne reseilik banktermen salystyrǵanda nesielik shyǵyndary aitarlyqtai tómen boldy.
- COVID-19 pandemiiasyna qaramastan Kaspi-diń rezervterdi (táýekelderdiń quny) qalyptastyrýǵa baǵyttalǵan shyǵyny besjyldyq tómengi kórsetkish 1.7 paiyz deńgeiine tústi. Bul birinshi kezekte nesielik sheshimderdi qabyldaý sharalarynyń tiimdiligine bailanysty.
- 2021 jyly Kaspi Bank quramyna kiretin Kaspi.kz tólemder men elektron kommertsiia naryǵynda tańǵaldyratyn ósim kórsetip otyr. Ai saiynǵy belsendi klientter sany 10 million adamǵa jetti, al ortasha kapitalǵa qaitý kórsetkishi rekordtyq mán 85 paiyzǵa jetti.
"Reiting boiynsha boljamnyń jaqsarýy taǵy bir ret Qazaqstanda jasalǵan bizdiń biznes úlginiń ereksheligin kórsetti. Nesie portfeliniń joǵary sapasy birinshi kezekte biz nesie boiynsha sheshim qabyldaý kezinde eń zamanaýi tehnologiialardy qoldanatynymyzǵa bailanysty. Kaspi qazaqstandyq qana emes, reseilik banktermen de salysytyrǵanda tamasha nátije kórsetip júr. Bul bizdiń komanda úshin jeke maqtanysh faktory", - dedi Kaspi.kz basshysy Mihail Lomtadze.
S&P Global, sonymen qatar, emitenttiń uzaq jáne qysqamerzimdi kredittik reitingin BB- / B jáne ulttyq ólshem boiynsha reitingin kzA deńgeiinde bekitti.
