Jýrnalist Jansaia Sydyqbai Qazaqstandaǵy keiingi oqiǵalar kóptiń eńsesin túsirip, kúizeltip jibergenin jazdy. Eń aldymen, qyz balalarǵa ońai tiip jatqan joq. Sebebi, erkek ataýlydan harrasment kóretin qyz-kelinshekter kóp.
"Buryn jekeme erkekter shyǵyp kezdesýge, shaiǵa shaqyrsa eshkimge aitpaýǵa, jurt bilip qoimasa eken dep qaradai qysylatyn edik. Sebebi qoǵam qurbanǵa «Óziń povod bergensiń», «Tanakózdenip qiyla qaraǵan shyǵarsyń» t.b. aiyptaýlardy ózine jaýyp jiberýden taiynbaidy. (...) Sózi tósek pen etekten aspaityn, harrasment jasaǵysh erkekter aramyzda órip júr. Júregin usynǵysh, saǵynǵysh erkekter qanshama. Dinmen, shariǵatpen qorqytyp, manipýliatsiia jasap otyrǵandary taǵy bar. Turmysta baiynyń kórsetken zorlyq-zombylyǵyna shydap júrgen, osynsha balamen qaida baramyn, qalai asyraimyn degen qorqynyshpen qanshama áielderdiń úni shyqpai tunshyǵyp otyrǵanyn qudai bilsin", - dep jazdy jýrnalist.
Aitýynsha, áiel bitkenniń bárin jeńiltek, "dostýpnyi" dep oilaityndar nemese "berip qalar ma eken" dep, "tamyr basyp" kórgish erkekter kóp.
"Tabysyn jasyryp, aliment tóleýden qashyp júrgenderi qanshama. Shaiǵa barmasań, kezdesýge shyqpasań, yńǵaiyna kóne qoimasań jumysyńda qýdalaityn, ósirmeitin erkek bastyqsymaqtar da bar. Birazyn bilem, túk bolmaǵandai úlken qyzmetterde ult týraly, eldi, jerdi qorǵaý, tabiǵatty aialaý t.b. týraly túrli «ádemi» ertekter aityp júr. Chýt-chýt «Bishimbaev» siiaqtylary da kreslolarynda dym bolmaǵandai otyr", - deidi Jansaia Sydyqbai.
Jansaia Sydyqbai bailyqqa qyzyǵatyn, erkekti tek aqshasyna, dúniesine qarap baǵalaityn, erteńin oilamaityn, jeńil júristiler, jezóksheler, kóńildes bolýdy qup kóretin, toqal bolýǵa kelisetin, qarqyldap kúletin, ishetin, shegetin, ádep-ibadan jurdai qyz-kelinshekterdiń baryn da joqqa shyǵarmaidy. Alaida olardy «sondai ekensiń» dep uryp-soǵýǵa, óltirip tastaýǵa eshkimniń quqyǵy joq. Arly erkek ondai tiptegi, ondai sorttaǵy áiel zatyna jolamaýdy, aýlaq júrýdi tańdaidy.
"Túzelmeitin adam báribir túzelmeidi. Ol erkekke de, áielge de qatysty. Aitpaǵym, aramyzda ishinde iti ólip jatqan monstr erkekter kóp. Bul óz otbasyn adal jolmen asyrap, kún-tún demei eńbektenip, áke-sheshesiniń, jubaiynyń, bala-shaǵasynyń qaýipsizdigi men bolashaǵy úshin júgirip júrgen erkekterge qatysy joq. Olarǵa rekspekt. Zorlyq-zombylyqqa qarsy adamdardyń oianyp jatqany durys. Saltanat rasynda ádilettiń saltanat qurýy úshin qurban bolǵandai", - dep túiindedi sózin Jansaia Sydyqbai.
