Túrkistan oblysy, Sozaq aýdanynda «Aibyndy jastar – Jańa Qazaqstannyń tiregi» atty erlik sabaǵy men Otan aldyndaǵy azamattyq boryshyn óteý úshin áskerge attanǵaly turǵan shaqyrylýshylardy saltanatty shyǵaryp salý rásimi ótti.
Jiynda Sozaq aýdanynyń ákimi Muhit Turysbekov, aýdandyq Qarýly kúshteri ardagerleri qoǵamdyq birlestiginiń ókili zapastaǵy podpolkovnik Esjan Turǵanbaev jáne Túrkistan oblysy qorǵanys isteri jónindegi departamenti bastyǵynyń tárbie jáne ideologiialyq jumystary jónindegi orynbasary podpolkovnik Jandos Kúlderbaev sóz alyp, ystyq yqylastary men júrekjardy tilekterin bildirdi. Aýdan basshysy jinalǵan jastar aldynda óziniń áskerde bolǵan kezin eske aldy.
«Áskerge barý da, shyǵaryp salý da úlken jaýapkershilikti júkteidi. Áskerdegi ár sátimdi saǵynyshpen eske alamyn. Aq naizanyń ushymen, aq bilektiń kúshimen qorǵap kelip, kóziniń qarashyǵyndai saqtap, urpaǵyna amanat etken qazaqtyń keń-baitaq jeri bar. Bul jerdi qorǵaý elimizdiń árbir azamatynyń kieli paryzy. Búgingi jastarymyz Otan aldyndaǵy mindetin abyroimen atqarady degen úmittemiz», – dedi ol.
«Búgin ómirlerińizdegi eń mańyzdy kún. Óitkeni, búgin sizder áskeri boryshtaryńyzdy óteý úshin basqa aimaqqa attanasyzdar. Kópshiligińiz birinshi ret jaqyndaryńyzdan alysqa ketip barasyzdar. Sol sebepti, bul tek sizderge emes, týysqandaryńyz úshin de synaq. Sondyqtan, sizder ózderińizge berilgen jaýapkershilikti abyroimen atqaryp, «Otan qorǵaýshy» atyna laiyqty qyzmet etýlerińiz kerek», – dedi oblystyq qorǵanys isteri jónindegi departamenti bastyǵynyń tárbie jáne ideologiialyq jumystary jónindegi orynbasary podpolkovnik Jandos Kúlderbaev.
Aita ketsek, Sozaq aýdanynan kúzgi áskerge shaqyrý naýqynda 20 jýyq bozbala UQK Shekara qyzmetine attandy. Jýyrda taǵy 100-ge jýyǵy Qarýly kúshter men Ulttyq ulan áskeri bólimderiniń qataryn tolyqtyrady. Al Sozaq aýdanynyń Nazir Tórequlov atyndaǵy IT mektep-litseiiniń «Jas sarbaz» synyby 2021 jyly ótken «Aibyn» respýblikalyq jastar jiynynda 57 komandanyń ishinde úzdik 9-qa enip Túrkistan oblysynyń namysyn joǵarǵy deńgeide qorǵai bildi.
