Sozaq aýdany, Taýkent kentinde «Kazatomprom-SaUran» jaýapkershiligi shekteýli seriktestiginiń qoldaýymen salynǵan tórt balalar oiyn alańshasy, «Atomshylar aleiasy» jáne «Street workout» alańynyń ashylý saltanaty ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jiynda aýdan basshysy Muhit Turysbekov turǵyndardy nysandardyń ashylýymen jáne «Kazatomprom-SaUran» JShS-niń qurylǵanyna 25 jyl tolý merekesimen quttyqtap, kompaniianyń bas direktory Asqar Nurǵalievke aýdan ákiminiń alǵys haty men syi-siiapatyn tabys etti.
«Memleket basshysy Qasym-Jomart Kemeluly Toqaevtyń Joldaýynda aitylǵandai, halyqqa kómek kóresetýdi júzege asyryp, kóptiń yqylasyna bólenip kelgen «Kazatomprom-SaUran» kompaniiasy aýdannyń damý jolynda árqashan úlken qoldaý bildirip keledi. Osyndai óreli óndiris oryndary óńirimizde órken jaiyp, áleýmettik kómekti qajet etetin otbasylarǵa jáne birqatar áleýmettik nysandarǵa demeýshilik kórsetip júr. Búgin, mine, Taýkent kentinde tórt balalar oiyn alańshasy, «Atomshylar alleiasynyń» jáne «Street workout» alańynyń ashylýyna kýá bolyp otyrmyz. Osynaý áleýmettik qoldaýǵa Sozaq aýdany turǵyndary atynan rizashylyǵymdy bildiremin», — dedi aýdan ákimi Muhit Turysbekov.
Atalǵan jiynda Taýkent kentiniń ardagerler keńesiniń tóraǵasy Tólenbek Áinekbaev aýdan basshysy men demeýshi kompaniia ujymyna kent turǵyndary atynyn alǵysyn bildirdi.
«Kazatomprom-SaUran» JShS-niń bas direktory Asqar Nurǵaliev aýdan kóleminde osyndai igi sharalar óz jalǵasyn tabatynyn jetkizdi.
