Ulttyq ideologiia jasalmai ulttyq máselelerdi sheshý múmkin emes. Professor, jazýshy, meditsina jáne pedagogika ǵylymdarynyń doktory Sovethan Ǵabbasov otbasy institýtyn damytý máselesine qatysty osyndai pikir bildirdi, dep habarlaidy QazAqparat.
«Búgin kóterilip otyrǵan másele boiynsha naqty usynystardy aitqym keledi. Ol – qoǵamdy jóndep, adamdy túzeý úshin ideologiiaǵa mán berý kerek. Úsh júz jyldyq bodandyq pen 70 jyldyq ateistik qoǵamnan óttik. Ulttyq ideologiia jasalmai ulttyq máselelerdi sheshý múmkin emes. Sondyqtan ulttyq ideologiianyń mazmunyna basa mán berý kerek», - dedi Sovethan Ǵabbasov «Otbasy kúni» aiasynda ulttyq tárbie berý men otbasy qundylyqtaryn damytý máseleleri talqylanǵan «dóńgelek ústel» barysynda.
Professordyń aitýynsha, halyqtyń bailyǵy da, tilegi de – urpaǵy. Urpaq tárbiesine qazir qazaq qana emes, búkil álem halqy basa nazar aýdaryp otyr.
«Adamzatty tán-tárbiesinen basqa urpaqqa eshteńe bere almai tur. Adamnyń máni janynda. Ulttyq ideologiia jasalmai memleket te bolmaidy. Ulttyq ideologiiasyz memleket – muhitta eskeksiz júrgen qaiyq ispettes. Onyń soǵylar jeri – jaǵadaǵy jartas. Mine qazir urpaǵymyzben osy jartasqa soǵylyp jatqan halyqtyń birimiz. Sondyqtan eń birinshi búgingidei jiynnyń, talqylaýdyń ótkizilip otyrǵanyna alǵys aitamyn», - degen ol ulttyq ideologiianyń qurylymyn qalyptastyrýǵa atsalysýǵa daiyn ekenin málim etti.
