Parlament Senatynyń jalpy otyrysynda «QR Azamattyq protsestik kodeksine sottar jumysynyń zamanaýi formattaryn endirý, artyq sot rásimderi men shyǵyndaryn qysqartý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy QazAqparat.
QR Joǵarǵy sotynyń Azamattyq ister jónindegi sot alqasynyń tóraǵasy Meirambek Taimerdenovtiń aitýynsha, zań jobasy úsh baǵyttan turady. Birinshiden, sottar jumysyn zamanaýi formatqa keltirý. Ekinshiden, azamattyq protsestegi tiimdilikti arttyrý, úshinshiden, sot isin júrgizýdegi tsifrlandyrý qamtyldy.
«Bul túzetýler bizdiń qoǵamǵa, azamattarǵa ne beredi? Sottarǵa «nege sýdia isti qaraǵanda onyń aq-qarasyna tereń úńilmeidi», «nege tek usynylǵan dálelderdi qanaǵattandyryp, sheshim shyǵarady» degen syn aitylady. Osyǵan sebep - qoldanystaǵy Azamattyq protsestik kodekstiń talaby. Osy oraida sýdianyń qoly bailaýly. Bul problemany sheshýdiń bir ǵana joly bar, iaǵni sýdianyń protsestik rólin túbegeili ózgertý. Ádil sheshim qabyldaý úshin ol daýdy jan-jaqty, egjei-tegjeili túsinip, anyqtaýy qajet. Bul degenimiz, sýdia protsestik jaǵynan erkin bolýy qajet. Qandai ýájdi nemese dálelderdi zertteý kerek ekenin ol ózi anyqtaýy qajet. Bul biz ashyp otyrǵan jańalyq emes, ozyq damyǵan elderdiń sottarynda qalyptasqan tájiribe. Sondyqtan osy tájiribeni paidalanbaqpyz», - dedi Azamattyq ister jónindegi sot alqasynyń tóraǵasy.
Zań jobasynyń negizgi mindetteri: sottardyń azamattyq isterdi sheshý, protsestiń jaryspalylyǵy qaǵidattaryn ustaný tásilderin ózgertý;
azamattyq sot isin júrgizýde tatýlastyrý rásimderin qoldanýdy keńeitý;
artyq protsestik áreketter men sot aktilerin qysqartý;
sot isin júrgizýde elektrondyq servister men tehnikalyq quraldardy qoldanýdy keńeitýdi qamtamasyz etý.
Zań jobasynda sottyń kúrdeli máselelerdi taraptardy shaqyrýsyz qaraýymen bailanysty protsestik áreketterdi ońtailandyrýǵa baǵyttalǵan normalar qamtylǵan. Ońailatylǵan (jazbasha) is júrgizý tártibindegi isterdi elektrondyq formatta qaraý usynylady.
Zań jobasy sondai-aq elektrondyq hattamaǵa, protseske qashyqtan qatysýǵa, protseske qatysýshylardyń elektrondyq gadjetterdi jáne basqa tehnikalyq quraldardy paidalanýyna qatysty basqa jańalyqtardy da qarastyrady.
Usynylyp otyrǵan Zań jobasy azamattyq sot isin júrgizýge qatysýshy adamdardyń quqyǵyn, bostandyǵyn jáne mindetterin qozǵaidy, protsestik áreketterdi ońtailandyrýǵa, protsestik únemdi arttyrýǵa jáne artyq protsestik áreketter men shyǵyndardy boldyrmaýǵa baǵyttalǵan, sondai-aq sot isin júrgizýdiń konstitýtsiialyq qaǵidattaryn damytady.
