پارلامەنت سەناتىنىڭ جالپى وتىرىسىندا «قر ازاماتتىق پروتسەستٸك كودەكسٸنە سوتتار جۇمىسىنىڭ زاماناۋي فورماتتارىن ەندٸرۋ, ارتىق سوت رەسٸمدەرٸ مەن شىعىندارىن قىسقارتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
قر جوعارعى سوتىنىڭ ازاماتتىق ٸستەر جٶنٸندەگٸ سوت القاسىنىڭ تٶراعاسى مەيرامبەك تايمەردەنوۆتٸڭ ايتۋىنشا, زاڭ جوباسى ٷش باعىتتان تۇرادى. بٸرٸنشٸدەن, سوتتار جۇمىسىن زاماناۋي فورماتقا كەلتٸرۋ. ەكٸنشٸدەن, ازاماتتىق پروتسەستەگٸ تيٸمدٸلٸكتٸ ارتتىرۋ, ٷشٸنشٸدەن, سوت ٸسٸن جٷرگٸزۋدەگٸ تسيفرلاندىرۋ قامتىلدى.
«بۇل تٷزەتۋلەر بٸزدٸڭ قوعامعا, ازاماتتارعا نە بەرەدٸ? سوتتارعا «نەگە سۋديا ٸستٸ قاراعاندا ونىڭ اق-قاراسىنا تەرەڭ ٷڭٸلمەيدٸ», «نەگە تەك ۇسىنىلعان دەلەلدەردٸ قاناعاتتاندىرىپ, شەشٸم شىعارادى» دەگەن سىن ايتىلادى. وسىعان سەبەپ - قولدانىستاعى ازاماتتىق پروتسەستٸك كودەكستٸڭ تالابى. وسى ورايدا سۋديانىڭ قولى بايلاۋلى. بۇل پروبلەمانى شەشۋدٸڭ بٸر عانا جولى بار, ياعني سۋديانىڭ پروتسەستٸك رٶلٸن تٷبەگەيلٸ ٶزگەرتۋ. ەدٸل شەشٸم قابىلداۋ ٷشٸن ول داۋدى جان-جاقتى, ەگجەي-تەگجەيلٸ تٷسٸنٸپ, انىقتاۋى قاجەت. بۇل دەگەنٸمٸز, سۋديا پروتسەستٸك جاعىنان ەركٸن بولۋى قاجەت. قانداي ۋەجدٸ نەمەسە دەلەلدەردٸ زەرتتەۋ كەرەك ەكەنٸن ول ٶزٸ انىقتاۋى قاجەت. بۇل بٸز اشىپ وتىرعان جاڭالىق ەمەس, وزىق دامىعان ەلدەردٸڭ سوتتارىندا قالىپتاسقان تەجٸريبە. سوندىقتان وسى تەجٸريبەنٸ پايدالانباقپىز», - دەدٸ ازاماتتىق ٸستەر جٶنٸندەگٸ سوت القاسىنىڭ تٶراعاسى.
زاڭ جوباسىنىڭ نەگٸزگٸ مٸندەتتەرٸ: سوتتاردىڭ ازاماتتىق ٸستەردٸ شەشۋ, پروتسەستٸڭ جارىسپالىلىعى قاعيداتتارىن ۇستانۋ تەسٸلدەرٸن ٶزگەرتۋ;
ازاماتتىق سوت ٸسٸن جٷرگٸزۋدە تاتۋلاستىرۋ رەسٸمدەرٸن قولدانۋدى كەڭەيتۋ;
ارتىق پروتسەستٸك ەرەكەتتەر مەن سوت اكتٸلەرٸن قىسقارتۋ;
سوت ٸسٸن جٷرگٸزۋدە ەلەكتروندىق سەرۆيستەر مەن تەحنيكالىق قۇرالداردى قولدانۋدى كەڭەيتۋدٸ قامتاماسىز ەتۋ.
زاڭ جوباسىندا سوتتىڭ كٷردەلٸ مەسەلەلەردٸ تاراپتاردى شاقىرۋسىز قاراۋىمەن بايلانىستى پروتسەستٸك ەرەكەتتەردٸ وڭتايلاندىرۋعا باعىتتالعان نورمالار قامتىلعان. وڭايلاتىلعان (جازباشا) ٸس جٷرگٸزۋ تەرتٸبٸندەگٸ ٸستەردٸ ەلەكتروندىق فورماتتا قاراۋ ۇسىنىلادى.
زاڭ جوباسى سونداي-اق ەلەكتروندىق حاتتاماعا, پروتسەسكە قاشىقتان قاتىسۋعا, پروتسەسكە قاتىسۋشىلاردىڭ ەلەكتروندىق گادجەتتەردٸ جەنە باسقا تەحنيكالىق قۇرالداردى پايدالانۋىنا قاتىستى باسقا جاڭالىقتاردى دا قاراستىرادى.
ۇسىنىلىپ وتىرعان زاڭ جوباسى ازاماتتىق سوت ٸسٸن جٷرگٸزۋگە قاتىسۋشى ادامداردىڭ قۇقىعىن, بوستاندىعىن جەنە مٸندەتتەرٸن قوزعايدى, پروتسەستٸك ەرەكەتتەردٸ وڭتايلاندىرۋعا, پروتسەستٸك ٷنەمدٸ ارتتىرۋعا جەنە ارتىق پروتسەستٸك ەرەكەتتەر مەن شىعىنداردى بولدىرماۋعا باعىتتالعان, سونداي-اق سوت ٸسٸن جٷرگٸزۋدٸڭ كونستيتۋتسييالىق قاعيداتتارىن دامىتادى.
