Foto: freepik.com
Prokýratýra Qaraǵandy oblysynda sottalǵandardyń quqyǵy buzylǵanyn anyqtady. Tekserý barysynda sottalǵandardyń ómiri men densaýlyǵyna qaýip tóndiretin kommýnaldyq qyzmet salasyndaǵy óreskel buzýshylyqtar tirkeldi.
- Onkologiialyq, búirek aýrýlary, asqazan-ishek joldary jáne endokrindik júie siiaqty aýrýlary bar sottalǵandar qosymsha tamaqtandyrýǵa quqyly. Tekserý Qaraǵandy oblysynyń mekemelerinde sottalǵandar et, jemis-jidek jáne basqa da qajetti ónimderdiń qosymsha portsiiasyn almaǵanyn kórsetti, - delingen Qaraǵandy oblysynyń prokýratýrasy taratqan habarlamada.
Prokýratýranyń qadaǵalaý aktisi boiynsha kináli 12 tulǵa tártiptik jaýapkershilikke tartyldy. Zań buzýshylyqtar joiyldy, 565 sottalǵannyń konstitýtsiialyq quqy qorǵaldy.
Bul másele Qaraǵandy oblysynyń Úilestirý keńesiniń otyrysynda talqylanyp, ýákiletti organdarǵa naqty usynystar daiyndaldy.
Eske salsaq, SQO-da 20-ǵa jýyq kásipker sottalǵandardy jumyspen qamtyp otyrǵany týraly jazǵan bolatynbyz.
