Sottalǵandardyń týystary sálemdemelerdi onlain rejiminde jibere alady, – dep habarlaidy Polisia.kz.
Karantindik shekteýler kezeńinde qazaqstandyqtar sálemdemelerdi onlain jiberedi, olar tapsyrysty resimdeidi, qajetti taýarlardy tańdaidy jáne olardy Kaspi.kz bankiniń elektrondyq qosymshasy arqyly tóleidi.
Týystar eldegi 46 penitentsiarlyq mekemege sálemdeme jibere alady, olardyń beseýi sottalǵandar men tergeý-qamaýyna alynǵan adamdarǵa arnalǵan elektrondyq terminaldarmen jabdyqtalǵan. Tolyq aqparat pen usynylǵan assortimentti “Convex” elektrondyq dúkeniniń resmi saitynan tabýǵa bolady.
Bul “Convex” JShS men QR IIM Qylmystyq-atqarý júiesi komitetiniń birlesken baǵdarlamasyn iske asyrý aiasynda 2019 jyly iske qosyldy. Jobany qurý kezinde qoldanystaǵy zańnama, sonyń ishinde QAJ mekemelerinde ruqsat etilgen zattar men azyq-túlik tizbesi negizge alyndy. Osylaisha, azamattar ónimdi onyń jaramdylyǵynan qoryqpai tańdai alady.
Azyq-túlik ónimderi men birinshi kezektegi qajetti zattardy jinaýǵa dúken tikelei jaýap beredi, bul tyiym salynǵan zattardy alyp kirýge jáne sybailas jemqorlyq quqyq buzýshylyqtarǵa jol bermeidi.
Jańa tehnologiialardy rejimdik obektilerde ustalatyndar da igeredi. Búgingi tańda arnaiy kontingenttiń ishinen 4 myńnan astam sottalǵan jáne tergeý-qamaýyna alynǵandar elektrondyq formatta satyp alýǵa kóshti. Olar azyq-túlik pen birinshi kezektegi qajetti zattarǵa penitentsiarlyq mekemelerdiń aýmaǵynda ornalasqan elektrondyq terminaldar arqyly tapsyrys beredi.
