Foto: E-Qazyna.
Qazaqstannyń qaitarylǵan aktivterdi basqarý jónindegi kompaniiasy buryn sheneýnikter men kásipkerlerge tiesili bolǵan 63 sándi lotty aýktsionǵa shyǵarmaq. Bul lottardyń jalpy quny – 353 million teńge, dep habarlaidy Ult.kz.
Aýktsionnyń basty áshekeii – De Beers syrǵalary. 6 karatty gaýhar tastarmen bezendirilgen bul syrǵalar 158 million teńgege baǵalanyp otyr.
Satylymǵa qoiylǵan basqa da qundy buiymdar:
- Van Cleef & Arpels alqasy — 55 mln teńge (17 karat gaýhar);
- Yeprem júzigi — 14,7 mln teńge (85 gaýhar tastarmen áshekeilengen);
- Frank Muller alqasy — 7,5 mln teńge (230 gaýhar).
Áshekeilerdiń burynǵy ieleriniń esimderi resmi túrde jariialanǵan joq.
Foto: E-Qazyna.
Aýktsion 4-7 naýryz aralyǵynda baǵany kóterý formatynda ótedi. Qatysý úshin E-Qazyna platformasynda tirkelip, kepildik jarna tóleý qajet.
Sonymen qatar, buǵan deiin oligarhtardan tárkilengen qymbat saǵattar aqpan aiynyń sońynda bólek aýktsionda satylatyn bolady.
