Sot oryndaýshylardyń óndirisinde jalpy kólemi 9 trln teńgeden asatyn 6 mln 760 642 qujat bar. Ádilet vitse-ministri Azamat Ámirǵaliev ádilet organdarynyń 2021 jylǵy jumysyn qorytyndylaýǵa arnalǵan keńeitilgen alqa májilisinde aitty, dep habarlaidy QazAqparat.
«Sot oryndaýshylardyń óndirisinde jalpy kólemi 9 trln teńgeden asatyn 6 mln 760 642 qujat bar. Bul 2020 jylmen salystyrǵanda 30% kóp. Shamamen 300 mlrd teńge bolatyn 2 mln 349 166 qujat tolyq oryndaldy. Bul – óndiristegi qujattardyń 74%-y», - deidi ministrdiń orynbasary.
Sondai-aq ol sot sheshimi oryndai almai júrgen boryshkerlerdi jumysqa ornalastyrý máselesine jiti kóńil bólingenin atap ótti. Mysaly, 2020 jyly 1 559 boryshker jumysqa turǵyzylsa, biyl bul kórsetkish áldeqaida ósken.
«2 224 boryshker jumysqa turǵyzyldy. Shaǵymdar sany eki ese azaidy», - dedi Azamat Ámirǵaliev.
Onyń málimeti boiynsha memlket esebinen qyzmet kórsetetin 5 700 advokat tirkelgen. Bir jyl ishinde 122 myńnan astam azamat kepildendirilgen zań kómegin aldǵan. Ol úshin biýdjetten 1 mlrd 866 mln teńge bólingen. Áleýmettik jaǵdaiy tómen 11 myńnan astam azamatqa tegin zańgerlik kómek kórsetilgen.
