Almaty qalasynyń Túrksib aýdandyq soty QR Azamattyq aviatsiia komitetiniń toptyq shaǵymyn qanaǵattandyrý úshin Bek Air áýe kompaniiasyna bilet aqshasyn qaitarý týraly sheshim shyǵardy, dep habarlaidy "ULt aqparat".
Komitet áýe kompaniiasynan jalpy 50 million teńgeden astam somany qaitarýdy talap etken qazaqstandyqtardyń múddesin qorǵady.
«Sot QR Saýda jáne integratsiia ministrligi tutynýshylardyń quqyqtaryn qorǵaý komitetiniń shaǵymyn qanaǵattandyrý týraly sheshim qabyldady. «Bek Air» AQ buryn satyp alynǵan biletterdiń qunyn óteýge mindetti.
«Bek Air» kompaniiasynan áýe biletteri úshin tólengen soma tutynýshylardyń paidasyna óndirip alynsyn», - dedi sýdia Áliia Menlibaeva.
Buǵan deiin, sot klientterdiń bilet qunyn qaitarý úshin Bek Air múlkine tyiym salǵan bolatyn.
Aita ketý kerek, 2019 jyly 27 jeltoqsanda «Bek Air» áýe kompaniiasynyń 2100 Almaty - Nur-Sultan reisi áýege kóterilip bara jatqanda biiktikti joǵaltyp, beton qorshaýǵa, odan keiin qosqabatty úige soǵylǵan.
Apattan 12 adam qaitys boldy. 29 adam jaraqat aldy. 51 adam qalalyq aýrýhanalarǵa jetkizildi. Eki adam emhanaǵa kelgen kezde qaitys boldy.
