Foto: QR QM
Qorǵanys ministri, aviatsiia general-leitenanty Dáýren Qosanov Sorbulaq kólinde joǵalyp ketken Áýe qorǵanysy kúshterine tiesili EC-145 tikushaǵyn izdeý operatsiiasynyń barysymen tanysty, dep habarlaidy Ult.kz.
Ministr izdeý alańynda bolyp, áskeri-áýe kúshteriniń qolbasshysy, aviatsiia general-maiory Asqar Izbasovtan esep aldy.
Izdeý jumystary táýlik boiy úzdiksiz jalǵasýda, alaida sýdyń lai bolýy, túbiniń shógindi jáne tereńdiginiń aýytqýy operatsiiany qiyndatyp otyr. Soǵan qaramastan, 25 shildede joǵalǵan tikushaq ekipajyn tabý úshin barlyq resýrstar jumyldyrylǵan.
Dáýren Qosanov joǵalǵan ushqyshtardyń týystarymen de kezdesip, olarǵa moraldyq qoldaý bildirip, operatsiia sońyna deiin jalǵasatynyn aitty.
«Biz izdeýdi toqtatpaimyz. Jaqyndaryna qoldaý kórsetemiz, barlyq sharalar qabyldanýda», – dedi Qorǵanys ministri.
Ekipaj komandiriniń aǵasy Medet Erjigittiń aitýynsha, ushqyshtardyń týystary da tańnan keshke deiin izdeý ornynda júr. Olar áýeden de, jerden de izdestirý jumystaryna kýá bolyp otyr.
Eske sala keteiik, 400-den astam adam, 70-ten astam tehnika, 21 júzý quraly, 10 ushqyshsyz ushý apparaty, eholottar men sýasty skanerleri izdeý jumysyna jumyldyrylǵan.
Buǵan deiin TJM qutqarýshylary joǵalǵan tikushaqtyń bólshekterin tapqanyn jazǵanbyz.
