فوتو: قر قم
قورعانىس مينيسترٸ, اۆياتسييا گەنەرال-لەيتەنانتى دەۋرەن قوسانوۆ سوربۇلاق كٶلٸندە جوعالىپ كەتكەن ەۋە قورعانىسى كٷشتەرٸنە تيەسٸلٸ EC-145 تٸكۇشاعىن ٸزدەۋ وپەراتسيياسىنىڭ بارىسىمەن تانىستى, دەپ حابارلايدى Ult.kz.
مينيستر ٸزدەۋ الاڭىندا بولىپ, ەسكەري-ەۋە كٷشتەرٸنٸڭ قولباسشىسى, اۆياتسييا گەنەرال-مايورى اسقار ٸزباسوۆتان ەسەپ الدى.
ٸزدەۋ جۇمىستارى تەۋلٸك بويى ٷزدٸكسٸز جالعاسۋدا, الايدا سۋدىڭ لاي بولۋى, تٷبٸنٸڭ شٶگٸندٸ جەنە تەرەڭدٸگٸنٸڭ اۋىتقۋى وپەراتسييانى قيىنداتىپ وتىر. سوعان قاراماستان, 25 شٸلدەدە جوعالعان تٸكۇشاق ەكيپاجىن تابۋ ٷشٸن بارلىق رەسۋرستار جۇمىلدىرىلعان.
دەۋرەن قوسانوۆ جوعالعان ۇشقىشتاردىڭ تۋىستارىمەن دە كەزدەسٸپ, ولارعا مورالدىق قولداۋ بٸلدٸرٸپ, وپەراتسييا سوڭىنا دەيٸن جالعاساتىنىن ايتتى.
«بٸز ٸزدەۋدٸ توقتاتپايمىز. جاقىندارىنا قولداۋ كٶرسەتەمٸز, بارلىق شارالار قابىلدانۋدا», – دەدٸ قورعانىس مينيسترٸ.
ەكيپاج كومانديرٸنٸڭ اعاسى مەدەت ەرجٸگٸتتٸڭ ايتۋىنشا, ۇشقىشتاردىڭ تۋىستارى دا تاڭنان كەشكە دەيٸن ٸزدەۋ ورنىندا جٷر. ولار ەۋەدەن دە, جەردەن دە ٸزدەستٸرۋ جۇمىستارىنا كۋە بولىپ وتىر.
ەسكە سالا كەتەيٸك, 400-دەن استام ادام, 70-تەن استام تەحنيكا, 21 جٷزۋ قۇرالى, 10 ۇشقىشسىز ۇشۋ اپپاراتى, ەحولوتتار مەن سۋاستى سكانەرلەرٸ ٸزدەۋ جۇمىسىنا جۇمىلدىرىلعان.
بۇعان دەيٸن تجم قۇتقارۋشىلارى جوعالعان تٸكۇشاقتىڭ بٶلشەكتەرٸن تاپقانىن جازعانبىز.
