Belgili qalamger Júsipbek Qorǵasbek júrgizetin «Úrker» baǵdarlamasynda Svetqali Nurjannyń «Kókiregim – kóne kitap» atty óleńder jinaǵy taldandy. Atalǵan taldaýǵa Mańǵystaýdan kelgen avtordyń ózi, onymen birge aqyn Murat Shaimaran jáne Batyrhan Sársenhan qatysty, – dep habarlaidy «Ult aqparat».
Baǵdarlama barysynda júrgizýshi-moderator aqyn Svetqali Nurjannyń óleńderine bir tústi kózben qaramaýǵa tyrysqanyn aitady. Belgili bolǵanyndai, «Kókiregim – kóne kitap» - boiaýynyń iisi burqyrap turǵan, baspahanadan jańadan shyqqan jinaq.
«Esenǵali Raýshanovtyń bir sózi esimde qalyp qoiypty. Óz qulaǵymmen estidim, osydan 20-30 jyl buryn. Sonda aitady: «Endi bir jarty ǵasyr shireginde qazaq poeziiasynda sopylyq poeziia ústemdik qurady» degen edi. Biraq men sony baiqap otyrǵan joqpyn. Óziń qalai oilaisyń?», – degen saýal joldady Júsipbek Qorǵasbek.
Al aqyn Svetqali Nurjan sopylyq poeziia degen adamzattyń etegin jinatqan, esin jiǵyzǵan uly rýhaniiattyń murasy ekenin aita kele, adamzat balasy oǵan áli de keletinin jetkizdi.
«Ol endi sáýegeilik dese de, arysy áýlieniń urpaǵy ǵoi, áýlielik dese de bolatyn shyǵar. Jalpy soǵan keledi adam balasy. Tek qazaq emes, adam balasy keledi kóp uzamai. Endi sopylyq poeziia degen - adamzattyń etegin jinatqan, esin jiǵyzǵan uly rýhaniiattyń murasy ǵoi. Búkil shyǵystyń jeti juldyzynan bastap, ózimizdiń kúlli álemniń temirqazyǵy Qutty bulaqtan, Áziret sultan Qoja Ahmet Iasaýi babamyzdyń bári de - sol sopylyq poeziianyń uly ókilderi. Álgi «meniń hikmetterim Alladan pármen, bar maǵynasy – Quran» dep júrgen Áziret sultan babamyzdan bastap uly shaiyrlar, sol kisiniń tikelei óziniń shákirtteri Súleimen Baqyrǵanidan, nemere shákirtteri siiaqty jalǵasyp kele beretin, odan bizdiń jyraýlarǵa jalǵasatyn, odan kitabi shaiyrlarǵa jalǵasatyn uly poeziia. Biraq negizgi saryn, negizi súrleý, qaitadan sol soqpaqqa túsý súrleý arqyly, odan dańǵylǵa túsýge umtylys bar. Bul sopylyq poeziia degen - hal keshý, qazirgi tilmen aitqanda transqa ený. Ol - júrektiń háli. Júrek Qudaiǵa berilgen kezde, ashyq-mashyq jaǵdaiǵa jetken kezde hál tabady. Hál degen - júrektiń qyzýy. Júrek 24 saǵat boiy pesh qusap qyp-qyzyl bolyp janyp turady. Bul – hál. Sol hálge túsken kezde Paiǵambarymyz aitqan sopylyqtyń shyńyna jetken adam shaiyrǵa ainalady dep. Al oǵan túsý úshin, sol háldi tabý úshin sol jolǵa túsý kerek. al ol jolǵa túsip jatqandar óte az. Bul zamanda sopylyqtyń ózi qyryq taram bolyp ketti. Báriniń quny ketken, arzandaǵan zaman ǵoi, sondyqtan ol hálge túsý múmkin emes. Sondyqtan qazir sopylyq poeziianyń jol alyp kete almai turǵany sodan», – dedi aqyn Svetqali Nurjan.
Aita keteiik, belgili qalamger Júsipbek Qorǵasbek júrgizetin «Úrker» baǵdarlamasynda Svetqali Nurjannyń «Kókiregim – kóne kitap» atty óleńder jinaǵy taldandy. Atalǵan taldaýǵa Mańǵystaýdan kelgen avtordyń ózi, onymen birge aqyn Murat Shaimaran jáne Batyrhan Sársenhandar qatysty. Baǵdarlama barysynda júrgizýshi-moderator aqyn Svetqali Nurjannyń óleńderine bir tústi kózben qaramaýǵa tyrysqanyn aitady. Belgili bolǵanyndai, «Kókiregim – kóne kitap» - baspahanadan jańadan shyqqan jyr jinaǵy.
