Bilim jáne ǵylym birinshi vitse-ministri Sholpan Qarinova sońǵy qońyraý men attestat tabystaý sharalary qalai ótetinin túsindirdi, dep habarlaidy QazAqparat.
«Oqý jylynyń aiaqtalýy boiynsha dástúrli túrde eki shara ótkiziledi, olar – 25 mamyrdaǵy sońǵy qońyraý jáne 11-synyptyń qorytyndy attestattaýynan keiin jalpy orta bilim týraly attestatty saltanatty tapsyrý. Olar barlyq ótken jyldar sekildi qajetti merzimde ótedi. Biyl sońǵy qońyraý 25 mamyrda bolady. Ár mektep bul sharany óz qalaýynsha uiymdastyrady. Saltanatty attestat tapsyrý da – balalardyń ómirindegi alǵashqy mańyzdy qujat alýy, sondyqtan bul shara da ótkiziledi jáne oǵan bilim berý uiymy jaýapty bolady», - dedi Qarinova Senattyń jalpy otyrysynan keiin tilshilerge bergen suhbatynda.
Onyń aitýynsha, Bilim ministrligi mektep bitirý keshin ótkizý týraly usynymdar ázirlep jatyr.
«Ministrlik osyndai usynymdar ázirlep jatyr. Oqý jylynyń aiaqtalýyna áli bir jarym ai bar. Biz bul usynymdardy daiyndaimyz, áriptesterimiz ben BAQ habardar bolatyndai jariialaimyz. Bul jańadan paida bolǵan shara emes, jyl saiyn ótip kele jatyr. Ótken jyldary karantindik shekteý qaǵidalary boldy. Al biyl attestatty saltanatty tapsyrý mektep qabyrǵasynda mindetti túrde ótedi. Basqa da usynymdardy tizemiz jáne jariialaimyz», - dedi Sholpan Qarinova.
