Aqtóbe oblysynda barlyǵy 27 adam indetke shaldyqqan bolatyn. Sońǵy eki táýlikte bul kórsetkish ózgermedi, dep habarlaidy "Ult aqparat".
Aqtóbe oblysy ákimi janyndaǵy jedel shtab málimetine súiensek, óńirde epidemiologiialyq jaǵdai turaqty.
«Búgingi kúni koronavirýs infektsiiasy 27 adamda anyqtalǵan. Onyń ishinde 11 naýqas emdelip, úiine qaitaryldy. Qazir 14 naýqastyń jaǵdaiy qanaǵattanarlyq, bireýinde ortasha aýyr, bireýiniń jaǵdaiy aýyr. Statsionarlyq karantinde 347 adam bar. Onyń ishinde 245-i Aqtóbe qalasynda, 102-i aýdandarda. Call-ortalyqqa turǵyndar tarapynan 12 400-den astam suraq tústi. Suraqtardyń barlyǵy jaýapty memlekettik organdarǵa shara qabyldaý úshin joldandy. Psihologiialyq kómek beretin «Jedel jelige» suraq tústi. Barlyǵyna keńes berildi», - dep habarlady jedel shtab.
Aita keteiik, oblys ákiminiń birinshi orynbasary Nurjaýǵan Qalaýov pen oblystyq politsiia departamenti basshysynyń birinshi orynbasary Qanat Aliev karantin talaptarynyń saqtalýyn tekserdi.
Reid barysynda birneshe adam ákimshilik jaýapqa tartyldy. Tótenshe jaǵdai engizilgennen beri 709 tártip buzý faktisi tirkeldi. Onyń ishinde 174 adam qamaldy, 216 adamǵa aiyppul salyndy.
