اقتٶبە وبلىسىندا بارلىعى 27 ادام ٸندەتكە شالدىققان بولاتىن. سوڭعى ەكٸ تەۋلٸكتە بۇل كٶرسەتكٸش ٶزگەرمەدٸ, دەپ حابارلايدى "ۇلت اقپارات".
اقتٶبە وبلىسى ەكٸمٸ جانىنداعى جەدەل شتاب مەلٸمەتٸنە سٷيەنسەك, ٶڭٸردە ەپيدەميولوگييالىق جاعداي تۇراقتى.
«بٷگٸنگٸ كٷنٸ كوروناۆيرۋس ينفەكتسيياسى 27 ادامدا انىقتالعان. ونىڭ ٸشٸندە 11 ناۋقاس ەمدەلٸپ, ٷيٸنە قايتارىلدى. قازٸر 14 ناۋقاستىڭ جاعدايى قاناعاتتانارلىق, بٸرەۋٸندە ورتاشا اۋىر, بٸرەۋٸنٸڭ جاعدايى اۋىر. ستاتسيونارلىق كارانتيندە 347 ادام بار. ونىڭ ٸشٸندە 245-ٸ اقتٶبە قالاسىندا, 102-ٸ اۋدانداردا. Call-ورتالىققا تۇرعىندار تاراپىنان 12 400-دەن استام سۇراق تٷستٸ. سۇراقتاردىڭ بارلىعى جاۋاپتى مەملەكەتتٸك ورگاندارعا شارا قابىلداۋ ٷشٸن جولداندى. پسيحولوگييالىق كٶمەك بەرەتٸن «جەدەل جەلٸگە» سۇراق تٷستٸ. بارلىعىنا كەڭەس بەرٸلدٸ», - دەپ حابارلادى جەدەل شتاب.
ايتا كەتەيٸك, وبلىس ەكٸمٸنٸڭ بٸرٸنشٸ ورىنباسارى نۇرجاۋعان قالاۋوۆ پەن وبلىستىق پوليتسييا دەپارتامەنتٸ باسشىسىنىڭ بٸرٸنشٸ ورىنباسارى قانات اليەۆ كارانتين تالاپتارىنىڭ ساقتالۋىن تەكسەردٸ.
رەيد بارىسىندا بٸرنەشە ادام ەكٸمشٸلٸك جاۋاپقا تارتىلدى. تٶتەنشە جاعداي ەنگٸزٸلگەننەن بەرٸ 709 تەرتٸپ بۇزۋ فاكتٸسٸ تٸركەلدٸ. ونىڭ ٸشٸندە 174 ادام قامالدى, 216 ادامعا ايىپپۇل سالىندى.
