QR Densaýlyq saqtaý ministri Ajar Ǵiniiat Úkimet otyrysynda Sońǵy bir aida eldegi koronavirýs juqtyrýdyń ortasha táýliktik kórsetkishi 34 ese azaiǵanyn baiandady, dep habarlaidy QazAqparat.
«Qazaqstanda koronavirýs infektsiiasy boiynsha epidemiologiialyq jaǵdai turaqtanyp keledi. Sońǵy aptada aýrýdyń táýliktik ósimi táýligine 1 200 jaǵdaiǵa deiin tómendedi. Bul infektsiianyń taralý koeffitsientine de áser etti. Ol 27 qańtardan bastap bir birlikten tómen jáne 0,6-ǵa teń.
Epidemiologiialyq jaǵdaidy baǵalaý matritsasyna sáikes qazirgi tańda respýblika «jasyl» aimaqta, 2 óńir «qyzyl» aimaqta jáne 2 óńir «sary» aimaqta, qalǵan óńirler «jasyl» aimaqta ornalasqan», - dedi Ajar Ǵiniiat.
Ministrdiń aitýyna qaraǵanda, sońǵy aida koronavirýs infektsiiasy jaǵdailarynyń ortasha táýliktik sany 34 ese azaiǵan.
«Statsionarda emdelip jatqan adamdardyń sany 2,3 ese, ambýlatoriiada emdelýshilerdiń sany 5,1 ese azaidy.
Búgingi kúni densaýlyq saqtaý uiymdarynda 30 myńnan astam patsient, onyń ishinde 86%-y (26 648 patsient) ambýlatoriialyq deńgeide jáne 14%-y (4 198) statsionarlyq deńgeide emin jalǵastyrýda», - dedi ministr.
