Foto: gov.kz
2025 jyly Qazaqstan Respýblikasynda medianalyq jalaqy 317512 teńgeni qurady jáne 2024 jylmen salystyrǵanda 11,1%-ǵa ósti, naqty mánde 0,4%-ǵa ósti, dep habarlaidy Ult.kz.
Statistika biýrosynyń dereginshe ústimizdegi jyldyń 1 qańtarynan bastap eń tómengi jalaqy 85000 teńge mólsherinde belgilendi.
2024 jyldyń qorytyndysy boiynsha Qazaqstan Respýblikasy boiynsha ortasha jalaqy 405416 teńgeni qurady, bul 2023 jylmen salystyrǵanda 11,3%-ǵa artyq, naqty mánde jalaqy 2,4%-ǵa ósti.
Sońǵy bes jylda ortasha jalaqy 1,9%-ǵa ósti, bul rette áielderdiń jalaqy ósiminiń qarqyny erlerge qaraǵanda joǵary boldy.
100000 teńgege deiin ortasha ailyq jalaqyny 3,3% qyzmetkerler, 100001-den 150000 teńgege deiin – 10,5%, 150001-den 300000 teńgege deiin – 32,5%, 300001-den joǵary – 53,7% aldy.
Foto: stat.gov.kz
2025 jyly Qazaqstan Respýblikasynda medianalyq jalaqy 317512 teńgeni qurady jáne 2024 jylmen salystyrǵanda 11,1%-ǵa ósti, naqty mánde 0,4%-ǵa ósti.
Salalar boiynsha 2024 jylmen salystyrǵanda medianalyq jalaqynyń eń joǵary ósýi qarjy jáne saqtandyrý qyzmetinde – 31,3%, kólik jáne jinaqtaýda – 24,1%, aýyl, orman jáne balyq sharýashylyǵynda – 22,9% belgilengen.
Medianalyq jalaqynyń eń tómen ósimi turý jáne tamaqtaný boiynsha qyzmet kórsetýde – 2,7%, sondai-aq bilim berýde - 5,9% bolyp tirkeldi.
Óńirler boiynsha medianalyq jalaqynyń eń joǵary ósý qarqyny Astana qalasynda baiqaldy, onda ósim 18,0%-dy qurady. Ortasha jalaqynyń eń tómen ósý qarqyny Mańǵystaý oblysynda – 6,8%-dy qurady.
Foto: stat.gov.kz
