QR Premer-Ministriniń orynbasary Eraly Toǵjanov eldegi omikron shtamynyń taralýy jóninde pikir bildirdi, dep habarlaidy QazAqparat.
«Barshańyzǵa málim, sońǵy kúnderi Qazaqstannyń barlyq óńirlerinde epidemiialyq ahýal kúrt nasharlady. Buǵan birden bir sebep - elimizde «Omikron» shtammynyń taralýy. Bul jeltoqsan aiynda jasalǵan zertteýlerdiń qorytyndysy boiynsha da dáleldendi. Jalpy, álem boiynsha aýrý sanynyń kezekti ret kúrt artýyna ózderińiz de kýá bolyp otyrsyzdar. Dúniejúzilik densaýlyq saqtaý uiymynyń málimeti boiynsha, Eýropada sońǵy eki aptada aýrý sany ósti. Onyń ishinde halyqtyń 50% «omikronmen» aýyryp jatyr», - dedi Toǵjanov Ortalyq kommýnikatsiialar qymzetinde.
Spikerdiń aitýynsha, aýrýshańdyqtyń artýyna halyqtyń belsendi ishki jáne syrtqy kóshi-qony, uzaq merekelik kúnder sondai-aq eldegi tolqýlar da yqpal etken.
«Omikrondy ádettegi maýsymdyq virýstyq infektsiia dep oilaityn dar bar. Bul shtamdy qarapaiym tumaý dep qabyldaýǵa bolmaidy. Omikron shtamynyń ereksheligi – tez juǵatynynda jáne ony qaita juqtyrý qaýpi joǵary. Taralý koeffitsienti 1-5. Ol Delta nusqasynan 70 ese jyldam taralady. Máselen, sońǵy táýlikte ǵana 9 700 jaǵdai tirkelgen. Sońǵy aida koronavirýs infektsiiasyn juqtyrý 20 esege ósti. Mundai táýliktik kórsetkish pandemiia bastalǵan sátten beri tirkelmegen», - dedi Toǵjanov.
