Respýblika boiynsha sońǵy aptada koronavirýs infektsiiasymen syrqattaný deńgeii 1,5 ese ósti. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat málim etti, dep habarlaidy QazAqparat.
Ministrdiń atap ótýinshe, koronavirýs infektsiiasynyń «Omikron» nusqasynyń ainalymy men taralýynan týyndaǵan aýrýdyń ósýi álemniń barlyq elderinde baiqalady. Dúniejúzilik densaýlyq saqtaý uiymy Eýropalyq óńiriniń derekteri boiynsha sońǵy eki aptada 54 eldiń 43 elinde aýrý órshýde.
«Jyl basynan beri respýblikada 178 myńnan astam adam koronavirýs infektsiiasymen aýyrdy. Pandemiianyń búkil kezeńin salystyrǵanda alǵash ret jaǵdailardyń táýliktik tirkelýi 16 myńnan asty. Bul «Omikron» nusqasynyń óte joǵary juqpalylyǵyna jáne taralý jyldamdyǵyna bailanysty. Búgingi tańda Túrkistan oblysyn qospaǵanda, búkil el «qyzyl» aimaqta ornalasqan», - dedi Ajar Ǵiniiat.
Onyń atap ótýinshe, respýblika boiynsha sońǵy aptada koronavirýs infektsiiasymen syrqattaný deńgeii 1,5 ese ósti.
