Sońǵy 3 jylda 110 myńnan astam qazaqstandyq kólik júrgizý quqyǵynan airyldy. Bul týraly QR IIM Ákimshilik politsiia komiteti tóraǵasynyń orynbasary Serik Túsipov aitty, dep habarlaidy QazAqparat.
«Búginde patrýldik politsiianyń saptyq bólimshelerinde shamamen 9 myń planshet bar. Ol ishki ister organdarynyń bazasyna, Bas prokýratýranyń «Ákimshilik óndiristerdiń biryńǵai tizilimi» júiesine qosylǵan. Jol júrisin qadaǵalaityn árbir qyzmetker osyndai planshettermen qamtamasyz etilgen. Osyǵan orai jol qozǵalysyn qadaǵalaý barysynda júrgizýshi kýáligi berilgenin jáne kóliktiń tirkelgendigin tekserý atalǵan planshetter arqyly júzege asyrylady», - dedi ol.
Onyń atap ótýinshe, qazirgi ýaqytta planshet kómegimen júrgizýshiniń kim ekendigin, júrgishýi kýáliginiń bar-joǵyn, jaramdylyq merzimin, kólk quraly týraly málimetterdi tekserýge bolady.
«Patýrldik politsiia júrgizýshi kýliginiń jaramdylyq merzimin tekseredi. Bizde júrgizýshi kýáligi 10 jylǵa beriledi. Sonymen qatar júrgizýshiniń kólik júrgizý quqyǵynan aiyrylǵany ne aiyrylmaǵyndyǵy jáne kriminaldyq esepte bar-joǵy tekseriledi. Sońǵy 3 jylda 110 myńnan astam júrgizýshi ákimshilik jáne qylmystyq quqyq buzýshylyq boiynsha kólik júrgizý quqyǵynan aiyrylǵan», - dedi Serik Túsipov.
