Qazaqstanda pnevmokokk infektsiiasyna qarsy josparly vaktsinatsiialaý jalǵasyp jatyr. Bul jaiynda Májilis depýtattarynyń saýalyna orai QR Densaýlyq saqtaý ministri Aleksei Tsoidyń jaýabynda aitylǵan, dep habarlaidy "Ult aqparat".
«Qazaqstan Respýblikasynda pnevmokokk infektsiiasyna qarsy vaktsinatsiialaý tegin meditsinalyq kómektiń kepildik berilgen kólemi aiasynda josparly túrde júrgiziledi. «Meditsinalyq kómektiń kepildik berilgen kólemi aiasynda olarǵa qarsy mindetti profilaktikalyq ekpeler júrgiziletin aýrýlardyń tizbesin, ekpelerdi júrgizý qaǵidalaryn, merzimderin jáne halyqtyń profilaktikalyq ekpelerge jatatyn toptaryn bekitý týraly» Qazaqstan Respýblikasy Úkimetiniń 2020 jylǵy 24 qyrkúiektegi № 612 qaýlysyna sáikes pnevmokokk infektsiiasyna qarsy profilaktikalyq egý balalarǵa ómiriniń 2, 4 jáne 12-15 ailyǵynda úsh ret júrgiziledi», - deidi ministr.
Onyń atap ótýinshe, Qazaqstan Respýblikasynda pnevmokokk infektsiiasyna qarsy josparly vaktsinatsiialaý 2010 jyldan bastap 13-valenttik koniýgatsiialanǵan vaktsinany qoldana otyryp júrgizilip keledi.
«Sońǵy 10 jylda elde pnevmokokkqa qarsy 2,6 mln bala egildi (7,4 mln astam egý aldy) jáne halyq arasynda jetkilikti immýndyq qabat qalyptasty. Ol osy infektsiianyń, ásirese egde jastaǵy adamdar arasynda taralý belsendiligin tómendetedi» deidi Aleksei Tsoi.
Qazirgi kezde Qazaqstan Respýblikasynda pnevmokokk infektsiiasyna qarsy josparly vaktsinatsiialaý jalǵasýda.
