Somalide shóldegi shegirtkelerdiń qaptap ketýine bailanysty tótenshe jaǵdai engizildi, dep habarlaidy "Ult aqparat" osy eldiń Garowe jańalyqtar portalyna silteme jasap.
Tótenshe jaǵdaidy Somalidiń Aýyl sharýashylyǵy ministrligi jariialady, eldiń ońtústik aýdandaryndaǵy jaǵdai aýyr.
Óz kezeginde, BUU Azyq-túlik jáne aýylsharýashylyq uiymy (FAO) sońǵy kúnderi Somali jaǵalaýyna túsken jel men jańbyr shóldegi shegirtkeniń kúrt kóbeiýine jaǵdai jasaǵanyn eskertti. «Jándikter basqa aýdandarǵa tez taralýda, bul - jerdi ónimsiz qaldyrý qaýpin týyndatyp otyr», - delingen FAO málimdemesinde.
Afrikandyq shegirtke –jándikter túriniń ishindegi eń qaýipti ziiankes. Qurǵaqshylyq jaǵdaida ash qalý qaýpi týyndasa, bular sany ondaǵan millionǵa jetetin úlken top qurap, azyq izdeidi. Bul jándikterdiń ordalary táýlik ishinde 150 shaqyrymǵa deiin joldy artta qaldyrady, al jolynda kezdesken ósimdiktiń bárin jep, typ-tipyl etedi.
