Depýtat Ońtústik Qazaqstan oblysynan soltústik óńirlerge kóshetin otbasylarǵa ýaqytsha tegin baspana berýdi usyndy, - dep habarlaidy kaz.tengrinews.kz.
Depýtat Álimjan Qurtaev QR Parlament Senatynyń jalpy otyrysynda halyqty OQO-dan SQO-ǵa óz eriktermin qonystandyrý týraly máseleni qozǵady. Depýtat biyl ońtústikten soltústik óńirlerge 362 otbasyny kóshirý josparlanyp otyrǵanyn aitty.
Al kelesi jyldary Ońtústik Qazaqstan oblysynan Soltústik Qazaqstanǵa 7 myńnan asa otbasyny kóshirý josparda bar eken.
Sondyqtan, depýtattyń aitýynsha, otbasylardy kóshirý baǵdarlamasyn áli jetildirý kerek.
"Biz soltústik aýdandardaǵy migranttarǵa bólinetin aqshalardy tóleý mehanizmin qaita qaraýdy usynamyz. Sebebi kóptegen migranttardyń ne jumysy, ne otbasylary joq. Olar kóshkisi keledi, biraq olardyń aqshasy joq nemese jetpeidi. Kóbi kóship kele salyp tabys taba almaiy. Kem degende 1-2 ai jumyssyz bolady. Aqshalai járdemaqyǵa qatysty máseleni qaita qaraýdy usynamyn", - dedi depýtat Qurtaev.
"Ońtústikten soltústikke kóshetin adamdar ózderiniń úileri bolǵanyn qalaidy. Buqaralyq aqparat quraldarynan soltústiktegi aýyldarda bos turǵan úilerdiń óte kóp ekenin bilemiz. Osyǵan bailanysty jergilikti atqarýshy organdaǵylarǵa qonys aýdarýshylarǵa sol úilerde 5 jyl ýaqyttai turyp, keiinirek olarǵa sol úilerdi jekeshelendirip alýlaryna múmkindik berýdi usynamyz", - dedi depýtat.
Munyń aldynda qazaqstandyqtardy soltústik óńirlerge kóshirý úshin qansha qarajat jumsalatyny aitylǵan edi. Eńbek jáne áleýmettik damý vitse-ministri Birjan Nurymbetovtyń aitýynsha, 2017 jyly eńbek mobildiligi baǵdarlamasyn júzege asyrýǵa 710 million teńge bólindi.
Eske sala keteiik, osyǵan deiin soltústik óńirlerdiń turǵyndarynyń sany 2050 jylǵa qarai 5 million adamǵa kóbeietini jaily habarlanǵan bolatyn. "Birinshi jartyjyldyqta 672 adam - 320 otbasy basqa óńirlerde jumyspen qamtylaý maqsatynda meken-jailaryn aýystyrǵan. Olardyń 424-i eńbekke jaramdy otbasylardyń múshesi. Sondai-aq, olardyń 75 paiyzy nemese 320-y jumyspen qamtamasyz etilgen. Jańa meken-jailary boiynsha olarǵa jaldamaly turǵyn úi berilip, kóshi-qon shyǵyny óteledi", - degen edi densaýlyq saqtaý jáne áleýmettik damý vitse-ministri Nurymbetov.
