Parlament Májilisiniń jalpy otyrysynda «Qazaqstan Respýblikasy men Soltústik Makedoniia Respýblikasy arasyndaǵy sottalǵan adamdardy berý týraly shartty ratifikatsiialaý týraly» zań jobasy maquldandy, dep habarlaidy "Ult aqparat".
«Usynylyp otyrǵan sharttyń mańyzy erekshe. Eń aldymen, Konstitýtsiia bekitken memlekettiń shetelde júrgen azamattaryn qorǵaý mindetin oryndaýǵa baǵyttalǵan. Elimizden tys jerde qylmystyq jaýapqa tartylyp, sottalǵan azamattarǵa týǵan jerinde jazasyn óteýge múmkinshilik beredi», - QR Bas Prokýrorynyń orynbasary Marat Ahmetjanov.
Onyń aitýynsha, sottalǵandardy berý úshin ol adam eki eldiń biriniń azamaty bolýy tiis. Eki elde de qylmys bolyp sanalatyn áreket úshin sottalsa, jazasyn óz elinde ótei alady.
Sonymen qatar, sottalǵan adamnyń jazbasha kelisimi kerek.
Budan bólek, qujatta sottalǵan adam berilmeitin jaǵdailar aiqyndalǵan.
