Soltústik Koreiada ǵalamdyq jylyný saldarynan jylý tolqyndary men tropikalyq túnder qatary artýda. Sonymen qatar sońǵy úsh onjyldyqta sýyq kezeńder qysqaryp jatyr. Bul týraly YONHAP agenttigi málim etti, dep habarlaidy QazAqparat.
Koreianyń meteorologiialyq basqarmasynyń (KMA) derekterine sai, Soltústik Koreiada jyldyq ortasha temperatýra Tselsii boiynsha 0,4 gradýsqa kóterilgen. 1991-2000 jyldary 1981-2010 jyldarǵa qaraǵanda aýa temperatýrasy 8,9 gradýsqa joǵarylaǵan.
Agenttik Dúniejúzilik meteorologiialyq uiym derekteriniń ǵalamdyq jelileri arqyly Soltústik Koreiadaǵy 27 baqylaý núktesinen jinaǵan temperatýra men jaýyn-shashyn týraly derekterdi paidalandy.
Derekterge sáikes, jyldyq ortasha temperatýra eldiń soltústik bóliginde, atap aitqanda Ońtústik Hamgion provintsiiasyndaǵy Hamhýng jáne Ońtústik Hvanhe provintsiiasyndaǵy Hedjý qalalarynda 0,5 ° C-tan 10,8 ° C jáne 11,9 ° S-qa deiin joǵarylap, úlken aiyrmashylyq kórsetken.
Klimattyń osylai ózgerýinen Soltústik Koreia ortasha alǵanda jylyna tórt kún aptap ystyqty tirkep otyrǵan. Ol 33 ° C jáne odan joǵary temperatýrany belgileidi. 30 jyl buryn bul kórsetkish bir-eki kún ǵana bolǵan.
Tropikalyq túnder jiiligi artty. Ol 25 ° C jáne odan joǵary eń tómen túngi temperatýramen belgilenedi. Bul kórsetkish 0,5 kúnnen 1,1-ge deiin ósti.
Soltústik Koreiadaǵy jaýyn-shashyn mólsheri 1991-2020 jyldar aralyǵynda 7,7 millimetrge azaidy.
