Koreia Halyq Demokratiialyq Despýblikasynyń Ońtústik Koreiamen shekarasynda ornalasqan Keson qalasynda alǵash ret koronavirýs juqtyrý jaǵdaiy tirkeldi. Infektsiiany 19 shilde kúni Koreia Respýblikasynan oralǵan «qashqyn» alyp keldi degen kúdik bar, dep habarlaidy "Ult aqparat" Qytai ortalyq telearnasyna (CCTV) silteme jasap.
CCTV arnasynyń málimetinshe, patsienttiń tynys alý joldary men qan taldaýyn teksergen soń mamandar ony koronavirýs bolýy múmkin degen boljam aitqan.
Koreia ortalyq telegraf agenttiginiń aqparatyna sensek, senbi kúni Koreia Eńbek partiiasy ortalyq komiteti saiasi biýrosynyń keńeitilgen májilisinde QHDR kóshbasshysy Kim Chen Yn atalǵan aimaqta tótenshe jaǵdai rejimin jariialaǵan. Sondai-aq memlekettiń epidemiiaǵa qarsy kúres júiesi barynsha myǵym daiyndyqqa kóshti.
24 shilde kúni Keson qalasynda lokdaýn rejimi engizilip, onyń aýdandary bir-birinen oqshaýlandy.
Koronavirýs juqtyrdy degen kúdikti naýqas qazir karantinde jatyr. Onymen bailanysta bolǵan barlyq adamdar jáne taiaýda Kesonǵa barǵan turǵyndar anyqtalyp, esepke alynyp jatyr.
