Foto: Yonhap
Soltústik Koreia shabýyl jasalǵan jaǵdaida iadrolyq soqqyny aldyn ala paidalanýǵa múmkindik beretin iadrolyq qarý týraly zań qabyldady, - dep habarlaidy Tengrinews.kz agenttigi DW basylymyna silteme jasap.
Koreianyń memlekettik KCNA aqparat agenttiginiń málimetinshe, Joǵarǵy Halyq jinalysy, Soltústik Koreianyń bir palataly parlamenti syrtqy shabýyldan qorǵaný úshin ony aldyn ala paidalanýǵa múmkindik beretin iadrolyq qarý týraly zań qabyldady.
El basshysy Kim Chen Yn Phenianda parlamentte sóilegen sózinde eldiń iadrolyq mártebesi endi "ózgermeitinin" jáne endi eldi iadrolyq qarýsyzdandyrý týraly talqylaýdyń maǵynasy joq ekenin aitty.
"Bizge 100 kún, 1000 kún, 10 jyl nemese 100 jylǵa sanktsiia salsyn. Qazirgi kezdegi qiyndyqtardy ýaqytsha jeńildetý úshin ǵana elimizdiń bar bolýy men halqymyzdyń qaýipsizdigin saqtaityn ózimizdi qorǵaý quqyǵymyzdan eshqashan bas tartpaimyz", - dedi Kim Chen Yn.
Qabyldanǵan qujatqa sáikes, Soltústik Koreia iadrolyq qarýdy qoldana alady, eger:
- iadrolyq nemese basqa da jappai qyryp-joiatyn qarýdy qoldana otyryp, KHDR-ǵa shabýyl jasaý, sondai-aq mundai shabýyl qaýpi "sózsiz" dep sanalǵan kezde;
- memleket basshylyǵyna jáne iadrolyq kúshter qolbasshylyǵynyń basshylaryna shabýyl;
- eldiń strategiialyq nysandaryna shabýyl jasaý.
Buǵan qosa, olar "soǵys aýqymynyń keńeiýine tez tosqaýyl qoiý, sondai-aq soǵysta bastamany qolǵa alý qajet" bolsa, KHDR-da profilaktikalyq soqqy berýdi kózdeidi.
Sondai-aq, Kim Chen Yn Ońtústik Koreiany óziniń áskeri áleýetin keńeitý jáne soltústikten ósip kele jatqan qaýipke qarsy turý úshin AQSh-pen birge aýqymdy áskeri jattyǵýlardy qaita bastaý josparlary úshin synǵa aldy. KHDR basshysy mundai josparlardy "qaýipti jáne shielenis týdyrady" dep atady.
