Soltústik Koreia 16 maýsymda Keson qalasyndaǵy Ońtústik Koreiamen bailanystyryp turǵan kelissóz bólimshesin jaryp jiberdi. Bul týraly Ońtústik Koreianyń birigý ministrligi habarlady.
"Soltústik Koreia Kesondaǵy bailanys bólimshesin 14.49 kezinde jaryp jiberdi" dedi eki Koreianyń qarym-qatynasymen ainalysatyn ministrliktiń ókili jýrnalisterge.
Ońtústik koreialyq Yonhap news aqparat agenttigi Keson qalasy jaqtan qoiý tútin kóringenin habarlady.
16 maýsym tańerteń Soltústik Koreia áskeri basshylary Ońtústikke qarsy sharalar bastaýǵa daiyn ekenin, eki Koreia arasyndaǵy kelisimmen "beibitshilik aimaǵy" dep jariialanǵan jerlerge qaita kiretinin aitqan.
Soltústik Koreia lideri Kim Chen Ynnyń qaryndasy, eldegi yqpaldy adamdardyń biri Kim E Chjon "jaqynda ońtústik pen soltústiktiń bailanysy úshńn ashylǵan paidasyz bólimsheniń qaiǵyly sátine kýá bolasyzdar" degen.
Koreia soǵysy (1950-53) aiaqtalǵan soń qos Koreia shekarasyndaǵy Phanmýndjom aimaǵynda áskersiz aimaq ashylǵan edi.
Ótken aptada Phenian Seýlmen bailanys kanaldaryn úzgen.
Ońtústik Koreia belsendileri Soltústikke áýe shary arqyly Phenian men Kim Chen Ynnyń saiasatyn synaǵan paraqsha shashqannan keiin eki eldiń arasy sýyp ketti.
