سولتٷستٸك كورەيا 16 ماۋسىمدا كەسون قالاسىنداعى وڭتٷستٸك كورەيامەن بايلانىستىرىپ تۇرعان كەلٸسسٶز بٶلٸمشەسٸن جارىپ جٸبەردٸ. بۇل تۋرالى وڭتٷستٸك كورەيانىڭ بٸرٸگۋ مينيسترلٸگٸ حابارلادى.
"سولتٷستٸك كورەيا كەسونداعى بايلانىس بٶلٸمشەسٸن 14.49 كەزٸندە جارىپ جٸبەردٸ" دەدٸ ەكٸ كورەيانىڭ قارىم-قاتىناسىمەن اينالىساتىن مينيسترلٸكتٸڭ ٶكٸلٸ جۋرناليستەرگە.
وڭتٷستٸك كورەيالىق Yonhap news اقپارات اگەنتتٸگٸ كەسون قالاسى جاقتان قويۋ تٷتٸن كٶرٸنگەنٸن حابارلادى.
16 ماۋسىم تاڭەرتەڭ سولتٷستٸك كورەيا ەسكەري باسشىلارى وڭتٷستٸككە قارسى شارالار باستاۋعا دايىن ەكەنٸن, ەكٸ كورەيا اراسىنداعى كەلٸسٸممەن "بەيبٸتشٸلٸك ايماعى" دەپ جارييالانعان جەرلەرگە قايتا كٸرەتٸنٸن ايتقان.
سولتٷستٸك كورەيا ليدەرٸ كيم چەن ىننىڭ قارىنداسى, ەلدەگٸ ىقپالدى ادامداردىڭ بٸرٸ كيم ە چجون "جاقىندا وڭتٷستٸك پەن سولتٷستٸكتٸڭ بايلانىسى ٷشڭن اشىلعان پايداسىز بٶلٸمشەنٸڭ قايعىلى سەتٸنە كۋە بولاسىزدار" دەگەن.
كورەيا سوعىسى (1950-53) اياقتالعان سوڭ قوس كورەيا شەكاراسىنداعى پحانمۋندجوم ايماعىندا ەسكەرسٸز ايماق اشىلعان ەدٸ.
ٶتكەن اپتادا پحەنيان سەۋلمەن بايلانىس كانالدارىن ٷزگەن.
وڭتٷستٸك كورەيا بەلسەندٸلەرٸ سولتٷستٸككە ەۋە شارى ارقىلى پحەنيان مەن كيم چەن ىننىڭ ساياساتىن سىناعان پاراقشا شاشقاننان كەيٸن ەكٸ ەلدٸڭ اراسى سۋىپ كەتتٸ.
