Soltústik Koreia biyl 9-25 aqpan aralyǵynda Phenchhanda ótetin XXIII qysqy Olimpiada oiyndaryna qatysatyn boldy. Phenian qysqy oiyndarǵa sportshylarmen qatar, jankúierler jáne arnaiy delegatsiia jiberedi. Bul týraly Bloomberg jáne Reuters aqparat agenttigi habarlady.
Búgin, 9 qańtarda Phanmýndjom shekara beketinde Seýl men Phenian arasynda kelissóz bastalǵan. Kelissózdiń alǵashqy kúninen keiin Soltústik Koreia taraby olimpiadaǵa qatysatyndaryn málimdedi. Al Ońtústik Koreia kelissóz kezinde olimpiadanyń ashylý saltanatynda bir komanda retinde shyǵýdy, Korei soǵysy kezinde ajyrap qalǵan týysqandardy qaita qosýdy usynǵan.
Ońtústik Koreiadaǵy olimpiada oiyndary 9-25 aqpanda ótedi. Qazir Soltústik Koreiadan mánerlep syrǵanaýdan bir jup joldama alǵan. Qysqy oiyndarǵa sportshylardy tirkeý aiaqtalyp qoiǵan. Biraq Halyqaralyq olimpiada komiteti Soltústik Koreia sportshylaryn tirkeýge daiyn ekenin málimdedi.
Esterińizge sala keteiik, qos taraptyń kelisózder tobyna bes-bes adamnan kirgen. Koreia Respýblikasynyń delegatsiiasyn birigý ministri Cho Mion Gion bastap kelse, KHDR jaǵyna Koreianyń beibit birigý komitetiniń tóraǵasy Ri Son Gvon basshylyq etedi.
