Soltústik Koreia 28 qarashada qysqa qashyqtyqqa arnalǵan eki zymyran ushyrdy. Bul aqparatty Ońtústik Koreia qarýly kúshteri habarlady. Olar Soltústik Koreia iske qosatyn qondyrǵyny synaqtan ótkizip jatqan bolýy múmkin dep boljaidy. Zymyrandar shamamen 400 km-ge ushyp, 97 km biikke kóterilgen.
Japoniia qorǵanys ministrligi Soltústik Koreia zymyrandarynyń japon áýe keńistigine de enbegenin aitty. Japoniia premer-ministri Sindzo Abe mundai zymyran synaǵy tek Japoniiaǵa emes, álemge qaýip tóndiredi dep málimdedi.
Seýl Pheniandy jaǵdaidy ýshyqtyrmaýǵa shaqyrǵan. Reuters agenttigi bul synaqtyń AQSh-ta atalatyn Alǵys kúnimen tuspa-tus kelgenine nazar aýdarady.
Aqparat quraldary sońǵy ret Soltústik Koreianyń 31 qazanda zymyran synaǵanyn, ony Kim Chen Ynnyń baqylaǵanyn habarlaǵan edi.
Aqpan aiynyń sońynda Hanoidaǵy sammitte Korei túbegin iadrolyq qarýdan aryltý máselesin talqylaǵan AQSh prezidenti Donald Tramp pen Soltústik Koreia basshysy Kim Chen Yn ortaq kelisimge kele almaǵan edi. Sammit qorytyndysy boiynsha ótken baspasóz máslihatynda Tramp Soltústik Koreia ekonomikalyq sanktsiialardyń kúshin tolyq joiýdy usynǵanyn, bul usynysty qabyldaýǵa daiyn bolmaǵanyn atap ótken. Olar 2018 jyly maýsymda Singapýrda kezdesken.
